0
0
〈娛樂乜乜乜〉富二代都有貼地嘅

〈娛樂乜乜乜〉富二代都有貼地嘅

〈娛樂乜乜乜〉富二代都有貼地嘅

【now.com】世界貧富懸殊問題嚴重,有錢人擁有特權係眾所周知嘅事,基本上成日都會發生。但由有錢人講返自己嘅特權事件,仲數得出唔公平嘅地方,就真係少見。

何鴻燊兒子何猷君,即係四房梁安琪個仔、何超盈同何猷亨個細佬。話說佢有頭等機唔搭,陪一齊創業嘅朋友搭香港航空經濟艙去上海,佢朋友唔小心漏咗Passport喺機艙,過唔到關,航空公司應承幫佢哋搵,但又唔做嘢,一味拖延,結果佢哋要在機場瞓咗七粒鐘。直至第二朝有職員認得佢係賭王個仔,大為緊張,唔使十分鐘就搵得返。

呢啲通常都係我哋啲窮人抱不平嘅事,由何猷君講出嚟格外諷刺。當然件事佢係做得啱,而且做得好。記得上年差唔多時間,特首個女梁頌昕先表演完乜嘢叫特權,起碼何猷君都冇打畀何鴻燊然後遞個電話畀航空公司職員,再叫佢「叫我賭王」,特事特辦。呢件事上,猷君一直嘗試用自己方法去解決件事,而唔係用自己身份。

又或者,同一單新聞咋嘛,猷君都冇指住自己個鼻威嚇職員:「我老豆係何鴻燊,全澳門最大家族第一把交椅!」佢只係陪朋友瞓機場,默默地、耐心地等消息,同我哋呢啲窮人一樣。

雖然話唔需要因為一件事而即刻捧到佢上天,但今次的確睇到,富二代都可以有家教嘅。話說香港人對富二代有根深柢固嘅反感,咁佢哋的確係「贏在起跑線」,出世就有特權嘛!加上好多富二代嘅奇怪言行,好多時有錢反而被睇唔起。但香港人普遍係公平嘅,偶然遇到個貼地嘅、有家教嘅,係會即刻讚返你。其實我哋呢啲窮人嘅要求都好低,你似返個人,講返我哋嘅Language,就係自己人喇,唔係好高門檻啫,我估。

何鴻燊兒子何猷君於微博發文,話自己同朋友乘坐香港航空的班機前往上海,朋友護照遺留機上,求助航空公司不果,晚上要滯留機場等過夜。(微博截圖)
航空公司事後更新微博,同公眾交代事件又向猷君致歉,不過猷君就反向航空公司道歉話不該使用服務。(微博截圖)
現年22歲的何猷君(上排左三)是賭王何鴻燊及四房太太梁安琪兒子。(微博圖片)
何猷君最近同朋友齊齊合夥做生意,常常要飛到上海。(微博截圖)
雖然猷君貴為賭王兒子,但去年於外國讀書期間都會自己做家務。(微博圖片)

文:魯連

〈娛樂乜乜乜〉逢星期一至五刊登
將每日的娛樂熱話,以全新角度為大家點評,大膽假設,細心求笑,希望滿足到去到邊度都好鍾意睇娛樂新聞的你。

專欄屬作者個人意見,不代表本網立場

  1. 更多
  1. 【大規模重組】國泰擬與香港快運營運國泰港龍大部分航線
    【大規模重組】國泰擬與香港快運營運國泰港龍大部分航線
    4小時前
  2. 【環球薈報】太空人用茶葉找出國際太空站破孔位置
    【環球薈報】太空人用茶葉找出國際太空站破孔位置
    7分鐘前
  3. 歐聯:巴塞羅那 5:1 費倫斯華路士
    歐聯:巴塞羅那 5:1 費倫斯華路士
    26分鐘前
  4. 【10月21日疫情速報】(15:40)
    【10月21日疫情速報】(15:40)
    44分鐘前
  5. 新增8宗確診 1宗本地感染沒不明源頭個案
    新增8宗確診 1宗本地感染沒不明源頭個案
    1小時前
  6. 財庫局:目前不會考慮容許市民提取部分強積金存款
    財庫局:目前不會考慮容許市民提取部分強積金存款
    1小時前
  7. 【持續更新‧附群組圖】香港新型冠狀病毒肺炎確診個案追蹤
    【持續更新‧附群組圖】香港新型冠狀病毒肺炎確診個案追蹤
    1小時前
  8. 港航:員工未來需減薪及放無薪假
    港航:員工未來需減薪及放無薪假
    2小時前
  9. 民建聯促政府交代擴兩元乘車優惠進展
    民建聯促政府交代擴兩元乘車優惠進展
    2小時前
  10. 中國研製新冠病毒疫苗有望年底推出市場
    中國研製新冠病毒疫苗有望年底推出市場
    2小時前