為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now新聞台】市建局行政總監韋志成卸任前接受專訪，他提及最深刻的是，觀塘市中心重建招標時遇上樓市下調，最終到離任時仍未能完成，他又認為，社會需要深入討論7年樓齡補償機制是否合理。
現年70歲的韋志成，2016年出任市建局行政總監，卸任在即，他接受專訪時，形容自己已克盡己任，執行市建局的法定職能，任內啟動多個重建項目，並展開油麻地及旺角、深水埗、土瓜灣海濱重建研究等，不過，韋志成指出，最深刻是2007年展開的觀塘市中心重建。
韋志成說:「呢個喺我整個職業生涯裡面，唯一一次係要公開道歉，而公開道歉(的事)又唔係我負責，因為喺我未上任前，改咗個設計圖則，解決咗呢個問題，我以為已經進入直路，可以將呢個項目招標，但咁啱又撞到樓市回調，商業樓面面積唔值錢，結果要流標，做完9年到今時今日，呢個項目仲未可以完成，呢個係相當深刻。」
現時市建局收購舊樓會參考同區7年樓齡的樓價，韋志成任內曾建議檢討機制，他在專訪指出，社會各界都應該再深入討論。
韋志成說:「香港社會係咪接受一個市民有能力買第1層樓，從此以後，當層樓舊咗就可用社會資源換，幫你換過一層新樓？依家嘅重建基本上係用呢個邏輯，呢個邏輯無所謂啱定唔啱。」
韋志成任內亦多次提及要加強舊樓維修保養，延長樓宇壽命，他認為，現時由政府向30年樓齡舊樓發出驗樓令，做法被動。
韋志成說:「正確嘅做法應該係，條法例要求每一個業主，層樓到30年(樓齡)就要自動自覺驗樓，如果唔驗政府就出手令罰你，呢個先至係第一步，將維修責任放清楚喺業主身上。」
新行政總監華懋集團前行政總裁蔡宏興將於下周一(16日)履新，韋志成稱讚他有心服務社會，寄語他熟讀《市區重建條例》，找到處理舊區更新的方向。
出任市建局行政總監9年，韋志成表示，今次離任打算真正退休，未必會再擔任公職，並指希望到內地旅行放鬆一下。
