【Viu】ZPOT喺《ViuTV 2027節目巡禮》打頭陣演出，事後表示首次跳唱新歌《第7代男團》難免會有少少緊張，成員牛牛缺席係早退去考試，希望佢考到好成績啦！ZPOT 6子透露有搵其他男團crossover新歌，當中包括有殿堂級男團，叫大家可以喺歌詞中搵Hits！
Jacky Fan孖Arvin曾傲棐主持飲食節目《收夜的美食家》，自嘲漲咗唔少，自tag新歌指喪食係「惡性循環」，試過一日食足5、6餐，當中包括同嘉賓battle食70幾道菜嘅full menu，堅係食到胃痛呀！之後仲有挑戰食魔鬼辣椒，有見師兄ERROR曾食辣食到入醫院，Jacky話有做足安全措施！
至於問佢哋想拍咩類型題材嘅節目、電視劇，自稱想再練「好波」啲嘅TELLER即舉手話想拍健美男，最終參加健美比賽嗰隻，咁可以同亨仔@ROVER battle喎！問到佢哋ok唔ok半裸上身做健美動作嗰陣，Marcus語出驚人話可以露埋下半身，尺度咁大？
ROVER四子笑言喺台上獻唱嗰陣，把握機會以真誠嘅眼神向台下客戶自sell，真係畀佢哋笑死！有份參與《公司又逼我打籃球》嘅亨仔、希晉有推薦Kim同Jason加入節目？
講到由Dee@ERROR主持嘅遊戲節目《The Cube》每日都有20萬嘅獎金同獎品，四子心心眼表示想去玩，Kim同Jason承諾贏錢會分四份？另外，問到Jason係咪渡Frankie入坑爆卡，佢又點回應？遲下再預埋AK？想知Jason點答就睇足本訪問啦！
