【Viu】期間限定「三米」組合Jeremy@MIRROR、193@ERROR今日出席商場活動，場地被一眾Unicorns同老婆s重重包圍，勁墟冚呀！193媽咪更被認出有嚟撐乖仔，之後仲同成班「新抱s」大合照添！事後33指完全唔知媽咪會嚟，極度懷疑媽咪係嚟搲撈，搞笑叫媽咪唔好發明星夢，做返個低調師奶！
Jeremy同33都好滿意「三米」呢個新朵，咁就不如打蛇隨棍上，以小組形式再咬蘋果又好、出歌又好、拍片又好，搵啲新搞作？點知Jeremy就公開「指責」33冇留意佢首新歌，對「咬蘋果」零認知，呢round 33又點補鑊拆彈先？
講到Tiger噚晚出嘅《新歌》MV既有沖涼畫面，仲有騷「朱古力」腹肌添！Jeremy笑話私下有send message畀Tiger問係咪可以免費觀看，虎仔又點覆機？為團con做gym嘅Jeremy有冇信心同虎仔啲腹肌fight過？
Jeremy早前孖Anson Lo快閃韓國三日兩夜，笑話成個trip都勁節制，讚撈撈依家好叻仔好慳家，唔會亂使錢，返香港個篋係under重量！相反啱啱去完日本嘅193就自爆個篋超重幾kg，即刻被Jeremy以「媽咪mode」連環審問係咪狂掃名牌，畀佢哋笑死！
至於903籃球賽噚日公布明星隊隊長為古天樂，33話收到消息好震撼，難以想像古生以不羈嘅風格擔任隊長，到時叫古生落場射波？有冇信心贏DJ隊雪恥？談及33個玻璃櫃project連掃marketing獎，更即場預告嚟緊有個大project？另外，33指有留意到AK最近陷風波，認為人總有錯，最緊要係知錯能改，見AK都好快道歉，覺得係值得原諒嘅！即刻去片睇足本訪問！
