【Viu】米雪麥花臣派對騷昨晚（14日）終極完美落幕，完騷後羅家英孖太太汪明荃拍拖接受訪問，問到台上夏雨大爆自尹志強離世後，雪姐決心「封盤」唔接受新戀情，咁家英哥又知唔知情？家英哥又驚爆4、5年後淡出娛樂圈，然後學煮嘢食兼做Facial，目的為幫阿姐美容扮靚，喂呀咁Sweet得唔得㗎？
講到鍾景輝、吳文忻、陳敏兒近日先後離世，阿姐話同敏兒甚少合作，覺得佢同丈夫廖啟智英年早逝感可惜。
昨晚家燕姐出動私伙珠光寶氣，佢笑稱：「得個樣㗎咋，千祈唔好攞，我用嚟襯下衫。」笑C呀！家燕姐又指曾為吳文忻每晚祈禱，無奈對方依然敵不過病魔。另外楊盼盼喺台上同米雪姐一齊打大鑼鼓，佢話呢Part好玩、估唔到兩個人好快就夾到，好有默契。想知更多嗱嗱聲入嚟睇片啦！
