【Viu】《電訊盈科-香港電訊 x 銘琪癌症關顧中心匹克球慈善賽名人表演賽》上周五（12日）舉行，ROVER成員希晉、Jason雷濠權、Yoyo葛綽瑤同Ah Gi樊沛珈分別同公司高層雙打，對戰職業運動員Ryan林浚禧、陳庭欣、李思雅同許俊豪，表現勇猛，新手Jason仲成功喺Ryan手上取得一分，High爆全場！
Jason笑言賽前請咗Ryan飲嘢博對方放水；希晉就識做咁話多謝ViuTV總經理鍾廣德Carry，仲話只學咗一粒鐘就上場打，獲「師姐」Yoyo同Ah Gi讚有天份。打上癮嘅兩位新丁仲話要包車畀位師兄師姐，希望大家肯受佢哋玩咁話！
講到新歌《初級大人》MV邀請到Tiger師兄做男主角，希晉同Jason直言畀師兄嘅迷人風采迷倒，仲承諾會請打邊爐回饋，但講講吓又話要問經理人同夾錢籌期先，真係畀佢哋激死呀！
此外，Yoyo同Ah Gi就爆Fatboy最鍾意教人打pickleball，仲即席示範「Fatboy」攻略，又分享埋姜濤落場嘅趣事，想知就睇足本訪問啦！
