【Viu】香港電影資料館為慶祝25周年，喺香港文化博物館舉行「幸會25歲」珍藏展，搵嚟虛齡101歲嘅「美艷親王」羅艷卿現身，雖然卿姐因跌親要以輪椅代步，但仍中氣十足、神采飛揚、精神飽滿！佢笑言諗返起同十兄弟、波叔嘅拍攝趣事！
卿姐指依家6、7點就會瞓覺，朝早就同朋友食吓tea車大炮、打吓麻將咁，又搞笑話打牌成日走雞！姪孫主力照顧佢嘅起居飲食，遲吓老友胡楓再開紅館騷，會唔會去撐場？
元彪、劉家榮孖住受訪，佢哋指喺珍藏展內見返雙方首部合作電影嘅相，啲回憶即刻返晒嚟！劉家榮更話當年係元彪幫佢做替身，而數到入行最驚險嘅動作場面，元彪即話係同成龍輪流由3、4樓跳落地，諗返起又熱血又興奮！咁佢哋點睇依家嘅香港動作片？
元彪喺《寒戰1994》中飾演劉俊謙嘅爸爸，佢高度讚揚呢位「仔仔」係可造之才，又演得又打得！對「大哥大」洪金寶有意拍新版《五福星》，元彪又有咩idea？元華日前受訪爆成龍、洪金寶真實性格，元彪又有冇睇？至於劉家榮可知哥哥劉家良嘅骨灰現時安排？
同為25歲嘅Feanna黃淑蔓就話自細睇港產片大，最愛睇周星馳嘅喜劇，希望有日可以做到「星女郎」！Feanna又許願最想拍恐怖片，例如係演喪屍或者係着bikini殺喪屍嘅索女！咁啱見Feanna出post問大家今年動漫cosplay啲咩好，有冇機會係啲bikini角色？問到嚟緊生日嘅安排，Feanna突怕醜自爆有了解中嘅對象！另外，力臻、Michael C曾揚言如果Feanna攞到金像獎就會半裸公主抱起佢，呢單嘢幾時找數？點知依家縮沙嘅係Feanna？先睇足本訪問啦！
