【Now.com】足球無分國界，更加無分性別，當全球注視即將舉行的FIFA世界盃2026，期待各國頂級球員在綠茵場上落力比賽，世界盃之外的女足球員亦一樣吸引。有體育網站 近日一篇「Hot Soccer Girls 2026」排行榜，將一班女子足球員放到螢幕上，由腳法點評到顏值，從「Beauty + Game」雙線開波。
RantSports報道開宗明義話，女子足球員正不停打破外界對這項運動的既定印象，證明速度、體能、爆發力同技術，從來唔係男性專利。在這個排行榜上，網站更加把球技、個人魅力、外形吸引力同網上人氣等項目計分，揀出Hot中之Hot。
文中直指，瑞士前鋒 Alisha Lehmann 是他們今次評選中的「頭號人選」，更形容她唔止有比賽賣點，亦憑個人風格與高人氣成為女足界最受關注人物之一。 文中提到，她在 Instagram 擁有超過 1,500 萬追蹤者，報道亦提及她與 Douglas Luiz 曾同效力阿士東維拉，其後又在 2024 年夏天一同轉投祖雲達斯，充滿話題性。
如果講到「靚得嚟仲要有料到」，Aitana Bonmati 幾乎係榜內的獎盃代言人；報道形容她是女子足球界的「Rolls-Royce」，並列出她贏得 2023 年 Ballon d' Or Féminin、The Best FIFA Women's Player，以及協助西班牙贏得 2023 女子世界盃等成績，證明呢位唔係靠濾鏡，是靠實力叫人收聲。
而美國名將 Alex Morgan 亦穩坐榜內高位，報道提到她曾協助美國奪得 2015 及 2019 女子世界盃冠軍，並在 2012 倫敦奧運奪金、2020 東京奧運奪銅；網站同時指出，她場外亦經常登上時尚與名人雜誌，屬於「入得禁區、又入得封面」的代表人物。
這個「最吸引」名單綜合球迷投票、媒體觀感、網上熱度，有時仲會參考雜誌排名；至於「樣靚係咪份糧多啲」，答案係唔會，球員收入始終主要視乎合約、表現、位置同賽事成績，唔係靠顏值食糊。
換句話講，呢份排行榜成績表面睇似「顏值大檢閱」，實際上係反映班女足已經進入一個技術、星味、商業價值一齊計算；球迷今日追女足，早已唔係只睇邊個靚，而係睇邊個踢得，再順手喺網上夠hot得。
IG@alishalehmann7
