【Viu】電影《寒戰1994》今日舉行全球記者會，兩位男神「蔡元祺」Daniel吳彥祖 x 「李文彬」劉俊謙合體受訪，講到噚日（26日）喺深圳出席首映，佢哋話好興奮，樂見周潤發、梁家輝齊齊扮郭富城嘅「Generation X」招牌動作！
阿謙指初見Daniel就有一見如故嘅感覺，期間仲猛望住男神粒喉核，話覺得對方靚仔到直情想咀埋去添！佢仲沾沾話獲Daniel送贈自家設計耳機，每晚都會咀落部耳機表達對男神嘅思念，堅係愛呀！咁唔知阿謙有冇回禮？愛老婆蔡思韵多啲定係愛男神Daniel多啲？
Daniel預告因為拍緊另一部戲，所以都會喺香港stay到6月，妻女Lisa S、Raven都有陪同返港，但個女要開學就走咗先！提起Raven，Daniel自認係虎爸，又爆阿女一個舉動令佢流咗一滴眼淚！依家諗到阿女遲吓拍拖會心痛？對阿女嘅另一半有冇咩特別要求？至於講到戲中難忘場口、對角色嘅準備，兩位又點答？遲啲謝票會派咩福利？
而黑幫「老丸」代表就有Louise王丹妮、Jeffrey 魏浚笙、白只。Louise喜見Jeffrey、白只假髮造型夠霸氣，現場認唔出，更爆Jeffrey打得勁忘形打傷對手兼打爛8支道具壘球棍，Jeffrey都沾沾自認「狠樣」。演社團老大嘅Louise戲中招牌招式係飛刀，佢就話喺屋企喪掟飛碟練習。而白只就喜見撞樣替身，所以大部份動作戲都安心交對方咁話！想知更多就睇足本訪問片啦！
