【Viu】日本男神木村拓哉與女神工藤靜香嘅長女Cocomi，為「CON-CON HONG KONG 2026」首次來港出席活動。身為超級動漫迷兼自認宅女，Cocomi話可以參加今次活動感到光榮，開心程度簡直想自己變身、戴面具入會場觀摩。
不過怕醜嘅Cocomi坦言未試過真正玩Cosplay，佢話好恨去動漫節化身完美角色，譬如反串扮男仔，勁Cool！
Cocomi而家係model兼長笛演奏家，童年受著名音樂家久石讓啟發，Cocomi話最難忘人生第一次參與樂團演奏，因太緊張，難投入演奏氛圍。好彩冇俾Leader鬧咋！
