【Viu】《五月天 [#5525+1回到那一天] 25週年巡迴演唱會2026 香港站》今晚尾場，適逢係五月天成軍27年嘅大日子，梗係要推個蛋糕出嚟慶祝啦，仲有萬人大合唱生日歌，阿信仲突然掟蕉出嚟畀大家食，又話要剩返半條留返後年嚟香港再食，即係暗示五月之約將於後年再續！
Encore時，五月天送上《讓我照顧你》同《笑忘歌》等歌，阿信話：「五月之約有時會遲到，有時會提早，但五月天從不缺席 ，明年讓我們休息一次吧！說好要唱到80歲，我們會努力做到的！」其後緩緩登上「飛機」離開。
全場五迷依依不捨狂嗌Encore，五月天再度坐飛機「降落地球表面」，再唱《OAOA》同《憨人》等，除剩白Tee嘅阿信有感而發問大家五月天有冇改變，仲話：「這世界所有的話語、所有的留言干我屁事！在我生存的地方，我就是自己的神！唯一能夠影響我的，就是可愛的你們！」隨即送上《聽不到》，仲將歌詞「為何我的真心你聽不到」改成「我都聽到」，最後五月天行近每個角落感謝五迷，仲送上隔空擁抱同飛吻，超有愛呀！
