【Viu】翁靜晶今日以會長身份現身慈善團體成立典禮，透露團體係以Danny陳百強歌迷會組成，Danny嘅大哥陳百靈、四哥陳百良都有現身！翁靜晶笑言自己只係掛名會長，認為Pansy何超瓊先係最佳人選，希望快啲聯絡到對方交接崗位！
講到王晶喺社交平台談及Danny歌藝、英年早逝真相內幕，翁靜晶表示冇睇王晶平台，係喺報道上得知，反問點解要喺Danny唔喺度嘅時候、冇得辯駁嘅時候，去畫花佢個形象呢？佢指依家咁樣係傷害到Danny家人，又對王晶指Danny受心理壓力，翁靜晶就覺得有啲誇張咗少少，同埋始終喺其他人把口講有違道德！
不過佢話自己個女同王晶個女係同學，王晶屬世叔伯，份人講嘢直來直往，同電影風格一樣都係搞笑，所以唔怪佢亦唔追究！
翁靜晶近日同雪梨嘅訪問引嚟極大迴響，佢預告下星期會播出楊素珊嘅訪問！對指佢首認後悔同劉家良忘年戀，佢承認係後悔自己當年嘅選擇，應該聽媽咪說話！翁靜晶話嗰日同雪梨做完訪問之後都冇特別問「高層色魔」係邊個，又自爆拍落一堆絕密片段留喺佢離世後公開，包括處理案件嗰陣同城中大人物嘅通話紀錄，會唔會喺呢個moment講完之後收死亡恐嚇？
就尋回劉家良師傅骨灰一事，翁靜晶表示今次成功打敗柬埔寨集體，令集體敗走，輪到馬來西亞有50個骨灰龕被竊，而劉師傅骨灰係咪決定撒海就未有共識，寶福山至今有冇道歉？想知就睇足本訪問！
