【Viu】新加坡天后孫燕姿相隔12年再嚟香港開個唱，今晚喺啟德主場館舉行香港站巡唱《就在日落以後》！一開騷就勁多舞台effect，包括彩帶、彩紙又「放煙花」咁，9秒9撻着全場個hyper mode，超繽紛呀！
孫燕姿以經典金曲《我要的幸福》打開序幕，之後一口氣再唱《超快感》、《綠光》，每首歌都同fans大合唱！呢位天后唔止唱得，仲好跳得添，除低「刺蝟褸」以銀白色戰士look同dancers跳咗一段，超正呀！孫燕姿入鄉隨俗以廣東話打招呼，又冧豬樣講掛住fans，再搞笑問大家佢啲廣東話講成點！
換上另一套bling bling銀黑色戰衣後，孫燕姿繼續唱經典好歌，呢part有《我不難過》！畫面一轉，孫燕姿帶住佢隻小飛船上台唱《風箏》，仲大談最愛食嘅香港美食係咩，估唔到會係碗仔翅喎，天后又開心share咗一個變更好味嘅食法，係咪好想知呢？
去到演唱會嘅中段，孫燕姿開放點歌環節，實現小fans願望首唱《Someone》！雖然今次演唱會冇嘉賓環節，但孫燕姿嘅好友Sammi鄭秀文、上個tour「克卜勒」嘅導演花姐、舞蹈監製Sunny Wong等，透過錄音送上祝福兼分享同孫燕姿之間嘅點滴，想唔想聽花姐講普通話？
最後，小編有理由相信，如果孫燕姿喺呢part都唔唱《遇見》、《我懷念的》、《天黑黑》嘅話，fans係唔會畀佢離開啟德，所以⋯ 孫燕姿「找數」啦！快啲click入嚟聽歌啦！
