【Viu】Louie賈思樂將喺本月中喺伊館舉行《賈思樂 Happy Together Again 2026 in concert》，今日佢同一眾嘉賓rehearsal，合唱《We Are the World》！Louie形容演唱會係佢「BB」並喺10日後就足月「出世」，一切都好順利！
佢自爆收埋咗個神秘嘉賓，就連喺老友韋綺姍連番追問下都唔講，堅係超秘密呀！再秘密啲嘅仲有，Louie預告到時會有絕密片段曝光添！rundown方面，Louie透露係全英文歌，韋綺姍「投訴」冇得揀歌，女人係no say嘅，畀佢笑死！
Louie日前參加盧海鵬嘅演唱會，蝦仔同嗲吔合體，佢話一定要撐83歲嘅鵬哥，所以一早自薦上台唱歌！佢話鵬哥狀況非常好，希望對方身體健康！唔知鵬哥有冇試過開佢咪？另外，另一好友鍾慧冰早前出post報平安，爆做咗切除子宮卵巢輸卵管手術，Louie話對上一次見面就係王玉環嘅party，有慰問對方！有冇興趣遲吓一齊拍旅遊節目？最後Louie同韋綺姍提早向大家拜個早年，馬年發發發！
