【Viu】一年一度渣打馬拉松今年有逾7萬人參加，70歲發哥周潤發領軍76歲鮑起靜、74歲Ken鄭則仕、79歲劉江等廿幾位老友一起跑10K，並以2小時23秒「遊覽式」完成比賽。發哥跑完與Ken哥、鮑起靜及劉江等同受訪，大讚Ken哥陪跑幾個月跟得到進度，Ken哥就笑稱太辛苦，聽日就會退出發哥跑會。
發哥話會跑到120歲，又笑指每個月收班跑友兩皮幾陪跑幾過癮，咁點解唔捉埋鵬哥盧海鵬嚟跑？發哥直指對方「窮鬼」，笑C！發哥又指發嫂冇同行，因為要負責一陣食鮑參翅肚埋單喎，驚唔驚返去扭耳仔呀？講到電影業寒冬，發哥都詐嬌話冇人搵佢拍戲呀陰公！想睇發哥有幾好笑，入嚟睇片啦！
