【Viu】Welcome back to HOME Kong！Jackson Wang王嘉爾事隔6年再返家鄉香港出event，見到過千位Jackies逼爆商場，Jackson喺現身嗰刻，即向fans群90度鞠躬答謝，呢位男神咁有禮貌，教fans如何不愛他呢？
訪問期間，Jackson多次表示返屋企好開心，仲happy share咗佢呢幾日、之後幾日嘅留港行程，想偶遇男神嘅機會嚟啦飛雲！難得返嚟香港，Jackson話當然有聯絡Do姐呢，問到Do姐最近清空IG following list，Jackson指呢個係Do姐私隱啦！
Jackson又預告26、27年走北美、南美tour，今次仲會帶2名欣賞嘅演唱者同行，想分享舞台機會，勁大愛呀！咁唔知會唔會係老友Tyson Yoshi？見呢兩位巴打上次除衫除得咁high，Jackson又點答？
講到佢前日為網友姜濤首場嘅亞博騷擔任嘉賓，見慣大場面嘅Jackson竟笑話緊張過自己開騷，甚至係有壓力添，真係估佢唔到喎！到最後要反由姜濤拍背打氣，真係畀佢笑死！除咗同姜濤相識之外，Jackson仲話認識AL添！
姜濤透露Jackson曾親自DM佢鼓勵，Jackson話做藝人呢條路好唔容易，想同姜老師分享自身經歷，咁當初喺咩情況下驅使Jackson DM姜老師呢？之後有冇crossover機會？
就日前Jackson受訪率直自爆「自己解決」，佢笑話：「I am just me.」冇嘢唔講得，仲搞笑話落club都唔介意話畀人知添！呢日佢立flag話希望35歲前結婚生B，生幾多都ok，如果有對象係令佢一見鍾情就有料啦！唔知男神拍拖會唔會公開？另外，Jackson仲公布咗個喜訊，想知就要睇足本訪問啦！
