【Viu】Alex林德信今日同「跳高女神」楊文蔚、湯君耀一齊出活動，期間自爆最近變得迷信，聽師傅話要帶啲金色飾物、着衫又要colourful啲，搞笑話會由色彩底底入手！點解Alex變得咁迷信？又有冇擺啲生B陣？
講到爸爸「阿Lam」林子祥同葉蒨文開完紅館騷，Alex話最難忘係12號Daddy生日嗰場，妹妹林德懿專程喺美國飛返嚟送surprise，然後佢又帶埋妻女上台，好似一個大型re-u咁，超級難得！Alex話上台呢個idea係妹妹諗，一開始都擔心歲半愛女林明會扭眼瞓，最後順利完成埋錫爺爺呢個任務，攞滿分呀！
Alex面露慈父冧樣笑話囡囡識唱《十分十二吋》，仲會邊唱邊跳添，即刻諗返起同佢細個一樣！見囡囡咁有音樂天分，Alex自爆有個人project進行中，就係復刻阿Lam隻《最愛》大碟嘅cover，由阿Lam抱住佢變佢抱住囡囡，將音樂傳承落去，勁有愛呀！如果林明大個話要加入樂壇，Alex又畀唔畀？
另外，莎莉喺紅館騷爆阿Lam跌親撼爆鼻，搞到成身血，Alex話當時唔在場好擔心，反而囡囡係目擊者，聽返嚟指林明當刻勁冷靜，仲做咗一個動作關心爺爺，果然係乖孫呀！即刻去片睇足本訪問啦！
