【Viu】台灣男神陳柏霖、影后余香凝（Jennifer）、影帝太保同童星羅莃荋今日為新片《女兒²》開工，好耐冇拍港產片嘅陳柏霖，仲會以全廣東話講對白，受訪時亦大晒廣東話，連「Sor Sor」都識，Respect呀！柏霖笑認年紀大，加上要為咗角色減肥，唔可以食宵夜，好彩「囡囡」勁Sweet，親手送上生日卡畀「爸爸」，仲話好似預集做嗲哋呀！咦？咁盛傳佢將於年底同拍拖多年嘅女友庭瑄結婚，莫非係堅料？柏霖就簡短回應喇！講到早前喺台灣活動同姜濤見面，陳柏霖大讚姜濤謙虛有禮，仲畀姜家人嘅大陣仗震懾添噃！
至於Jennifer直言細細個睇陳柏霖啲戲大，最驚訝係男神好似唔識老咁，搞到自己壓力好大，好彩剪咗短髮可以減齡，最沾沾係畀人問拎學生證，嘩！威呀！
此外，太保早前獲紐約亞洲電影節（NYAFF）頒發「終身成就獎」，佢就話永不言休，有獎一定要親身飛去拎咁話！
