【Now.com】 ViuTV旅遊節目《偽鐵膠遊九州》，主持許寶恆（Alice）在日本鹿兒島求籤驚爆大秘密，原來佢媽咪話佢今年好容易有BB！但Alice就覺得喺《麻甩媽咪》劇中演一個有咗BB嘅角色，已經係有咗。
《偽鐵膠遊九州》今晚（3日）播出第十三集，兩個主持人許寶恆（Alice）和葛綽瑤（Yoyo）到日本鹿兒島霧島神宮，望見不同主題的求籤區，Yoyo問：「你係咪想抽戀愛？」Alice就回應：「幸福或者戀愛囉，睇下今年戀愛運如何。」
Alice搵員工幫忙解讀籤文後話：「佢話我就嚟結婚喎！我媽咪喺我出發嚟日本之前同我講咗一樣嘢：『你今年好容易有BB！』」佢認為「25歲結婚對我嚟講好早！我都係專注工作算啦。唔係，我已經有咗囉！今年就係《麻甩媽咪》出，我就係一個有咗BB嘅角色。」
另外，Alice和Yoyo體驗浸天然泥湯浴，Yoyo話：「泥湯係我第一次浸，一開頭見到Alice攞住個泥嘅時候，我個樣係有少少…控制唔到自己表情，因為個泥有啲比較水，有啲澀身啲，你挖得深啲就會澀啲。」Alice和Yoyo兩個更互相擦背，享受浸泥湯美白的過程。
