【Viu】Ronald鄭中基、周秀娜事隔7年再合作拍電影《阿龍》，呢次更係Ronald自編自導自演，故事講述佢為咗尋女，變咗兇殘嘅復仇者，所以含大量嘅打鬥場面！為咗操成戲中嘅爆肌look，Ronald捨棄泰國嘅美食，餐餐淨係食蛋同白烚雞胸，再配合喪做gym，個自律程度就連娜姐都驚嘆！
而喺谷肌過程中，Ronald都受咗唔少苦㗎，包括有次要突然返港做手術！事緣有日拍完一個掉落地下嘅鏡頭後，Ronald 被告知成條褲都係血，究竟發生咩事？娜姐知道內情之後更係笑到喊，咩事？咩事？
不幸事件連環發生，Ronald喺另一次拍攝不慎整親隻腳，檢查後發現骨裂！呢股黑氣更「傳染」畀埋娜姐，拍完場掙扎戲雙手爆瘀，唔講仲以為佢被家暴呀陰功！另外，泰國出名猛鬼㗎啦，Ronald即自爆遇怪事⋯ 喺荒廢嘅醫院景拍攝有幾嚇人？想知就要去片等Ronald話畀你哋聽啦！
