【Viu】香港武打巨星成龍孖影帝梁家輝、文俊輝@SEVENTEEN、周政杰、導演兼編劇楊子，今日現身澳門《捕風追影》首映禮！呢次亦係成龍同家輝哥事隔20年再合作，家輝哥笑言繼續互相老點，然後表示呢次見到全新嘅成龍大哥，此話何解呢？
成龍現年71歲，梁家輝67歲，兩位大哥仍落力拍攝打鬥戲，電影尾段更有場激烈嘅打戲，佢哋自爆為追求逼真，全部都係真刀上陣，凌空揮刀嗰刻係試過斬到假髮，咪話唔驚險！未知自稱係武打新人嘅梁家輝有冇打上癮？遲啲試吓跳崖、跳樓？佢仲大讚成龍喺呢10年以嚟文戲進步神速添！
講到電影留下伏線，係咪會開第二集？會唔會返香港取景？成龍坦言難借香港場地，更爆埋當年拍《新警察故事》借會展場地全靠董建華嘅內幕！提起依家有啟德新場，梁家輝即席度咗條靚橋出嚟，成龍又buy唔buy呢？而文俊輝、周政杰則大談同兩位大哥對戲嘅難忘事，大讚二人sweet又貼心！
從影64年嘅成龍最近親赴瑞士盧卡諾影展接受「終身成就獎」榮譽金豹獎，佢話咁多年嚟嘅付出、斷手、斷腳都值得！佢更爆埋呢次旅程傾咗個大project，講到興起再爆埋遲吓有機會喺香港開戲，想搵張曼玉、楊紫瓊參演，勁大cast！另外，仲要恭喜埋梁家輝二度榮升做外公，即刻去片啦！
