【Viu】日本女子團體HANA、George 歐鎮灝同WinWin楊安妮今日為ViuTV音樂節目《CHILL CLUB Japan Special》錄影，George透露會同Win Win合唱日文歌，事前當然有請教「日本通」Win Win啦，仲親自翻譯埋中文拼音，訪問期間又晒咗幾句日文，巧Cute Cute呀！Win Win就自認係HANA嘅Fans，由選秀節目已經有睇，當年仲有朋友叫佢參加添，但自覺日文唔好而婉拒咗！
講到Win Win日前又去咗日本搵出租男友「日本佐治」，佢就話同「年下男」冇發展空間：「人哋得廿歲咋！咪搞人啦！」咦？不如叫George介紹筍盤啦？點知佐治真係嚟搞笑㗎！佐治又話唔介意異地戀，因為可以「吸收」營養喎，又笑言就係因為從來冇「吸收」過，先搞到營養不良兼有黑眼圈，真係畀佢笑屎呀！
對於舊愛KC噚日趁生日po咗同現任女友放閃嘅合照，Win Win都大方祝福，小心回應，係咪好想知呢？此外，首次嚟香港表演嘅HANA原來噚日去咗坐摩天輪，仲發生咗難忘事添，想知就睇足本訪問啦！
