【Viu】Yoyo葛綽瑤同Alice許寶恆喺ViuTV節目《偽鐵膠遊九州》中，變身偽鐵膠嘆世界，走訪多個以鐵路做主題嘅景點，靚人靚景真係好吸睛呀！Yoyo同Alice開心Share旅程中嘅難忘事，仲大晒「食力」，日食夜食，搞到兩位美少女都增磅而回！
由P1X3L x 5G到《偽鐵膠遊九州》，Yolice幾乎每次出Trip都係Roommate，當然知道對方唔少秘密啦，兩位亦零偶包分享「醉噏韓文」同「BB有便便」趣聞，各位Fans聽完一定姨母笑呀！
Yolice最近又拍劇又拍綜藝，機會似乎唔少，但《全民造星IV》出身嘅佢哋，始終有一個歌手夢，估唔到呢個追夢過程中，最大嘅敵人竟然係自己，想知到底發生過甚麼事就睇訪問囉！
