【Viu】第二屆薯茄明星運動會即將播出！阿冰、童童、阿J、肥蚊預告會同首屆一樣，去到商場同大家一齊睇首播！而今屆最特別嘅係，佢哋喺會場set up咗個mini運動會，唔知佢哋最拿手嘅項目係邊樣？歡迎你哋嚟挑戰薯茄呀！
講返運動會當日嘅難忘事，冰童自爆全日都變咗大喊包，其中阿冰竟然係因為見到隊員肥蚊跑100米而喊？呢個喊點會唔會太funny！阿冰隊賽前被指係智力最高嘅一team，最後佢哋係咪靠智力取勝？童童、阿冰、J哥仲叫大家睇播出嗰陣記住要豎起對耳仔，聽肥蚊激昂嘅叫喊聲，係精華中嘅精華！
雖然暫時未知賽果，但童童、阿J就話對成績感到可惜，相反同隊嘅阿冰、肥蚊就話好滿意，估唔估到佢哋攞咩名次？阿J賣關子踢爆肥蚊跟隊，學床哥帶釘鞋嚟跑步，點知聰明反被聰明誤！另外，程人富呢期「單飛」遠赴加拿大，莫非男團FINALLY要拆夥？見阿J、肥蚊、朱mic都有大執title，佢哋加入Marco@P1X3L、許賢、抑或係床哥做新成員？想知就要睇足本訪問啦！
