【Viu】由編劇入行，近年轉型導演，Sunny陳詠燊早排仲做埋創意總監及聯合策展人，出心出力籌辦喺大館舉行嘅為「光影邊緣─香港電影的臥底世界」展覽，回顧香港臥底電影逾40年嘅發展軌跡，以8套臥底電影《邊緣人》、《龍虎風雲》、《英雄本色II》、《辣手神探》、《龍在邊緣》、《無間道》、《門徒》同掃毒》串連而成，重現多個經典場景，吸引唔少電影發燒友去打卡，一班演員好友都有力撐Sunny！
Sunny分享籌備呢個展覽嘅苦與樂，仲笑言唔明白點解香港嘅臥底電影永遠都係靚仔做主角，例如張國榮、梁朝偉同吳彥祖等，若然自己有機會執導臥底電影，反而鎖定王菀之主演，貪佢夠反差感喎！
回顧由編劇入行嘅歲月，Sunny直言喺恩師馬偉豪身上學識點樣寫喜劇，娛人娛己，仲自爆見到「神級編劇」韋家輝會變「痴漢」，So Funny！至於近年嘅導演生涯，Sunny多謝各位老闆同演員畀面，想知就睇專訪啦！
