【Viu】Candy@COLLAR今日化身pink lady單拖現身商場活動，獲過百「晴天蛙蛙」到場支持，其中一位更係Candy嘅台灣老best 阿Wing！Candy笑言專登克制表情，但喺玩遊戲餵食cream嗰part，絕對係友情嘅考驗！
距離亞博騷仲有一個月，Candy話COLLAR正式變成「烚蛋女團」，為個唱努力keep fit！佢透露被委派表演一項超型嘅技能，叫大家拭目以待！活動期間，Candy除咗預告嚟緊會拍COLLAR新團歌MV之外，仲賣關子話完咗演唱會後會接受一項新挑戰，莫非係出solo歌？抑或係舞台劇？廣播劇？真係好想知呀！
綜藝《公司逼我打籃球》大獲好評，Candy指都好希望如193所願，可以飛日本拍season 2！同時佢笑言好想組一隊FC球隊，不過事先聲明唔落場只做經理人，背後原因竟然係關錢事？
Candy日前大學畢業獲COLLAR好姊妹拉banner祝賀，雖然佢話係人生中社恐to the max嘅一日，但相信呢日會係COLLAR嘅集體回憶，極有愛！另外，想知Candy點回應同哥哥玩超人打怪獸嘅兒時趣事、有冇留意一班《造星VI》師弟嘅動向等，就要睇足本訪問啦！
