【Viu】Ian陳卓賢巡唱 《 IAN CHAN "TEARS" IN MY SIGHT SOLO CONCERT TOUR 2025》去到最終站澳門嘅尾場，演唱會喺颱風天氣下提早30分鐘開場， 但未有影響場內熾熱氣氛！
Ian當然落力演出，又彈琴又彈結他，仲感謝觀眾風雨不改支持：「好多謝大家無懼風雨，都嚟到呢度，好多謝你哋。今晚呢個場就好free嘅，雖然出面好似落好大雨咁，但係呢度好安全，大家亦可以想做乜就做乜，想笑就笑，喊就喊，想企起身就企起身，想坐低就坐低，所以希望大家可以盡情享受。」
Ian又窩心咁講：「今日提前咗開始，希望大家可以返到屋企，因為知道除咗澳門，仲有香港同其他地方嘅朋友仔，大家返屋企都要啲時間，所以今晚捉緊時間，多謝大家嘅陪伴，雖然早咗完 ，但係都唔會cut歌嘅，我唔係好叻talk，就不如盡量啲talk位減少。」
作為巡唱最後一場，Ian特別準備驚喜！佢喺第2次encore時，除咗著件恤衫上有愛犬雞脾張相，仲斜揹咗個貌似雞脾嘅袋可愛現身，都算係雞脾另類登場，而Ian就喺觀眾踴躍發聲投票下，唱出全新作品《樹會流眼淚》！
最後，Ian又表示：「今日咁早同大家Bye Bye，又唔係幾好，有冇人今晚返到屋企仲可以開IG Live?」當聽到全場尖叫，Ian就約大家今晚網上見，然後再唱出《背伴》以及再演繹一次《DWBF》，正啊！
