【Viu】Kelly陳慧琳紅館個唱頭場嘉賓就係Sammi鄭秀文！當天后遇上天后，仲要係黑白配襯到絕一絕，大癲！二人孖全場大合唱《我們都是這樣長大的》，掀起全晚高潮！
Kelly對Sammi笑話身上條靚裙係inspired by Sammi，事關佢話見到Sammi喺澳門巡唱有條「五臟六腑」裙，所以就整咗條「肺」、「腸」靚裙，Kelly的確幽默！Sammi仲即場變身做「鄭醫師」，幫Kelly「體檢」，唔知份報告靚唔靚仔呢？
之後Sammi自爆喺造型上都有個point係配合返Kelly，點知Kelly望極都睇唔到，畀Sammi開玩笑問係咪有老花，天后s嘅對話勁似一場mini篤棟笑，真係SLDPK！送走Kelly落台轉look後，Sammi整多首經典歌《終身美麗》，紅館再次變做大型K房！
個唱尾聲，Kelly再次使出「跳唱」殺手鐧，將大型K房升呢變Canton Pop Disco，全場企晒起身high到不得鳥！Kelly先匿埋喺Disco波波，然後轉向fans登場，帶嚟《這班人》、《天生戀愛狂》！佢仲出動埋台邊兩側嘅天橋，升高同山頂嘅fans互動，全方位照顧坐喺唔同位置嘅fans，Kelly世一！快啲去片一齊焚啦！
