【Viu】《Jeremy Lee Rise In Love Live 2025》今晚喺亞博順利完成！Jeremy騷後第一個comment係雖然聲沙但滿足！佢坦言喺綵排時心情既擔心又焦慮，依家就好似放下心頭大石咁，自評唔滿意表演，不過當係儲經驗！
Jeremy話見到MIRROR兄弟s嚟撐場好窩心，更爆AK因為突然嚟唔到，專程改喺晏晝入嚟亞博support佢，堅係愛呀，所以喺講多謝MIRROR嗰陣都忍唔住眼濕濕！令佢流下男兒淚仲有班屋企人，笑言喺後台同媽咪相擁哭泣！
講到rundown上嘅安排，Jeremy就話係特登揀女神太妍嘅歌，仲話係對方喺音樂上畀咗靈感佢添！至於揀大表哥嘅《Drunk In Love》，係咪因為大表哥係佢嘅男神？Jeremy笑言原先係想畀surprise老best，不過事前唔小心自爆咗，做乜咁失策呀？有冇諗過着大表哥啲透視背心？沾沾依家有條蛇腰嘅米米，係咪準備大開殺戒喪食燒肉？咁揀師妹COLLAR嘅《idc》又係咩原因呢？
今次Jeremy首次挑戰彈豎琴，佢話係佢嘅idea嚟，專登配埋套全白戰衣，想大家大讚佢「優雅」！唔知佢之後會唔會keep住學？Jeremy喺個騷最後首唱新碟新歌《不枉我們一起過》，喊住話覺得唱得唔夠好，原地take two，全場unicorn叫好！喺後台仲野生捕獲徐浩、曾樂彤，現場即刻充滿粉紅泡泡！快啲去片feel吓啦！
