【Viu】張敬軒今日出席美容活動，吸引大批澱粉捧場，仲提出千奇百趣嘅訴求，包括鬧佢同講經，搞到軒公反晒白眼，軒公仲話收過最奇怪嘅要求係怒睥Fans，又幾有創意喎！
軒公透露最近父母嚟咗香港住，阿媽靚湯再度登場，除咗不知名鳥類，仲有海馬添，到底係壯陽定滋陰呢？總之軒公就話飲完瞓唔著啦！咦？查實呢款湯可以推介畀想生馬B嘅Tyson喎，軒公就差啲噏錯要代Tyson洞房，仲激讚Christy係好女仔，聰明冷靜，同火爆嘅Tyson真係一凹一凸Perfect Match！
此外，對於林家謙以抽籤方法去分配個唱公售名額，軒公認為新方法但試無妨，但現階段要實名制係mission impossible！
