【Viu】Juno麥浚龍今晚喺亞博舉行一場《The Album: In the Name of a Father.》演唱會，唱到
Encore時，Juno獻唱經典金曲《耿耿於懷》，又與神秘嘉賓吳日言合唱《羅生門》，令全場起鬨！佢最後以《我在切爾諾貝爾等你》作結，寄語大家「散聚有時」！
完成演唱會後，Juno精靈受訪，首先多謝一眾嘉賓撐場，事關呢個騷原本去年底舉行，可惜曾經因病改期，大家依然二話不說力撐，仲親解點解邀請AK同Marf飾演古天樂同Kay嘅年輕版，大讚兩位後生可畏！講到吳日言專誠由英國返港做嘉賓，Juno超級感激，仲勾起唔少回憶，又搞笑話：「咁就廿年喇！」
Juno又話一直唔太想唱《我在切爾諾貝爾等你》，驚自己會喊，結果今晚亦真係失守！至於有觀眾話聽唔到《愛上殺手》就唔走，佢就話今次係以《The Ablum》做主題，唔排除之後會喺紅館開另一個騷係唱舊歌，大家敬請期待啦！
講到女友戴庚玲日前激罕po出二人嘅彩色合照，Juno話女友都有嚟睇騷，但po相唔代表關係有新進展，仲話大家諗多咗喇！此外，Juno都有回應新片《風林火山》喺康城影展嘅評價比較兩極，想知就睇足本訪問啦！
