【Viu】節目《恐怖在線》慶祝十七周年，今晚喺大富豪舉行網聚，「鬼王」潘紹聰Call齊馬踩旺個場，仲透露場地早前重新裝修時嚟過，咁有冇靈異feel？鬼王話其他人表示「有啲感覺」，佢更終極預告下半年會同男團成員做逾20場舞台劇添！
到賀嘅94歲黃夏蕙日前被指每月攞4,195蚊長生津度日，更要住過渡性房屋？夏蕙BB今晚現身解釋並否認，佢嬲豬表示仔女好有錢，一架古董車都5千萬，仔女仲鬧爆叫佢道歉添陰功！講到瘦咗一圈，夏蕙BB話留港晚晚Party太繽紛，早排仲幫襯猛男餐廳更手多多篤對方胸肌，又透露美國太悶唔再返去了！
另外Kathy仔王頌茵孖阿妹岑樂怡興奮嚟撐場，Kathy仔表示朋友知佢嚟踩場即話想跟嚟，而阿妹就話本想男友因擔心而車佢嚟，可惜冇喎！笑Cry！想知更多就睇足本訪問啦！
