【Viu】黃秋生、George@P1X3L、蘇玉華、陳紫萱今日喺熱辣辣嘅星期六，又為《不赦之罪》跑9場謝票，Respect呀！有觀眾問George拍攝到邊個階段先冇俾秋生哥氣場壓到？George笑稱要到煞科，咁咪震過貓王？
電影上映咗兩周，票房已破300萬，眾人表示意外。阿蘇話早前謝票，喜見細佬帶同12歲囝囝低調撐場，驚訝小朋友都睇得明！George又透露有觀眾睇咗6、7次，家人、親戚亦睇咗兩次以上，咁對佢嘅露股情節又有咩comment？
George 亦話今日專程會電影配樂波多野裕介，講到上星期因「波多野結衣」被秋生哥設局靚嘅，佐治日前曾表示恨「覆桌」？佢今日當住前輩面即笠水，繼而又俾對方「入」多嘢，想笑甩下巴就入嚟睇足本訪問片啦！
