【Viu】Tiger@MIRROR、Phoebus@P1X3L、Winka@COLLAR、黃浩然、連詩雅、海兒及姚綽菲等，今日為舞台劇《三‧八》總綵排拜神，Tiger嘅死神Look首度曝光，漂咗兩執瀏海超Sharp醒，虎仔就笑言最好唔使放假補染，可以充份休息，首踏台板嘅心情亦相當興奮，好想快啲上台玩！Phoebus就話最擔心要同台面機關配合，希望唔會蝦碌；Winka就話越唱越好中氣，唔擔心體力問題。
雖然忙於排練舞台劇，但Tiger都有留意《全民造星VI》，早排仲去咗探《前傳》MV班添！點知講講吓，虎仔竟然食咗「誠實豆沙包」，自爆當年呃花姐話去外國比賽，冇時間拍《前傳》MV，其實係去咗日本旅行，花姐都係今年先知呢個天大嘅秘密咋！咦？咁點解要講出嚟呢？Tiger哥就答得好威武喇！
至於Phoebus就爆George同Marco已讀不回邀請睇騷嘅短訊，適逢自己都唔得閒去撐George新戲，笑指大家都「有罪」！而Winka就澄清返《COLLAR以為去度假》嘅種種「指控」，想知就睇足本訪問啦！
