【Viu】ViuTV原創劇《光明大押》除咗雲集城中好戲之人，亦提供唔少演出機會畀一眾生力軍，功德無量㗎！憑《全民造星V》出道嘅Adams何居倬同Hei羅子熙亦有份演出，仲有機會唱劇集主題曲《失焦》，兩位坦言見到「BB」出世時超級感動，終於可以跨出一大步，繼續向夢想出發！
講到《造星V》嘅ROVER同Tsoul去年已經出道，Adams同Hei直認一直等得好心急，仲自爆連計劃書都寫埋，希望有機會同王鋒、樂庭同貓仔組成男團「PENTA」，一圓跳唱歌手夢咁話！
為咗追夢，Adams同Hei當然有努力自我增值，仲搵嚟King@SENZA學唱歌。想聽聽少年心底夢，了解一下Adams同Hei嘅奮鬥目標，同埋互爆秘密，誠意推介大家睇呢個訪問，畀更多機會新人發光發亮！
