【Viu】Stanley邱士縉今日出席NBA活動，同Team Stanley大玩籃球遊戲，仲自爆細個嘅「我的志願」係去美國打NBA，可惜畀娛樂圈耽誤咗！
最正係呢位暖男偶像今朝買咗60個漢堡包畀現場守候嘅Fans，係愛呀！回帶返MIRO見面祭，Stanley笑認似「神父」，聽Fans逐一上台「告解」，最難忘係有Fans爆喊，同埋男Team Stanley嘅尖叫聲震懾全場！笑問埋都唔使做「人肉轎」，係咪執返身彩？Stanley就笑笑口多得頭場嘅Jer啟發自己，令自己第二場出盡力玩遊戲！
講到事後出現一系列「菲律賓男友」黑圖，Stanley當然爆笑回應啦，仲話想同「菲律賓老公」Lokman組隊「Yum」，出道大計都諗埋，仲話係其中一個重要嘅續約條件！想笑餐飽記得睇足本訪問喇！
