【Viu】ViuTV原創劇《光明大押》現正熱播中，Will柯煒林飾演「堅叔」謝君豪嘅年輕版「25堅」，笑言全靠韓國進口嘅雙眼皮膠紙將內雙眼皮打造成Bling Bling大眼睛；「Dee哥」何啟華飾演嘅「小海」仲要背一大抽關於量子力學嘅對白，仲令Dee哥鼓起勇氣舉手要求重拍，Respect呀！
雖然Dee哥同Will喺劇中冇對手戲，但係兩位其實識於微時，仲齊齊自認係「死士」，明知道香港電影係夕陽工業仍然選擇入行，仲感性分享做演員嘅迷惘位。
最後Dee哥許願同Will合作BL劇，但係又擔心一件事噃？想睇Dee哥同男神Will瘋狂暴走，記得loop爆呢個訪問喇！
