【Viu】宣萱今晚出席汽車活動，除咗自認泊車叻，原來仲係「車廂歌后」，呢排嘅飲歌係林家謙作品，巧潮呀！講到「項少龍」古天樂同「嬴政」林峯噚晚世紀合唱《天命最高》，「烏廷芳」宣萱原本都係座上客，因為一早知道嘉賓係古仔，但係為咗準備今日Event而忍痛割愛，陰功豬咯！
不過，宣萱都有睇返網上片段，笑指古天樂嘅造型似「美國隊長」，仲話最敬佩古仔嘅身形十年如一日，仲爆埋老Best嘅Keep Fit秘訣添！咦？咁古仔嘅唱功又係咪十年如一日呢？宣萱就用咗一個世界級表情嚟回應喇！
講到古仔噚晚話《尋秦記》電影版將於明年元旦上映，宣萱坦言安樂晒，起碼唔使再畀親戚朋友追問幾時上。至於古仔驚訝佢睇過《尋》片嘅片花，宣萱就爆Seed話：「佢失憶呀？」
欲知後事如何，睇足本訪問咪知囉，最正係宣萱唔止解答咗《尋秦記》呢個「都巿傳說」，連「不死子珊」嘅新動向都知，呢個訪問唔睇就走寶喇！
