【Viu】林峯完成一連七場紅館騷仍然keep住個hyper mode直入後台受訪，對邀請到老闆古天樂做嘉賓，阿峯大叫：「我好威！」贏咗100%嘅樂壇歌手（包括佢自己）！仲大爆其實古天樂係好鍾意唱歌，私下成日同佢唱k，唔知古老闆嘅首本名曲係咩呢？
講起古天樂喺台上向阿峯求證4大傳聞，首項就係「對櫈做愛」，究竟呢part舞係邊個嘅idea？嘉賓之一Tim@Dear Jane喺台底跳完就被老婆Rabeea宣告「the end of our sex life」，阿峯又點回應？佢亦透露要跳到好似佢咁勁係有竅門嘅，大家想唔想要tips？阿峯更妙回老婆張馨月對「櫈舞」畀幾多分添！跟手講到囡囡Luna睇騷睇到勁high，阿峯笑指囡囡勁鍾意跳舞兼超social，遲啲有冇機會父女同台演出？
今次邀請到「常在心」鍾嘉欣做嘉賓，林峯都話好感動，至於對網民呼喚徐子珊「出山」，阿峯又點睇？而同周秀娜跳辣身舞，阿峯搞笑話一直都唔敢亂望，利申並唔係因為呢晚老婆喺度喎！兄弟伍允龍同日出pool認戀Renee，阿峯當然即刻恭喜好兄弟，仲爆一早知情添！
另外，娜姐感謝阿峯送咗份生日大禮畀佢，就係幫佢克服做live show嘅恐懼症！佢笑指完全唔敢再翻睇第一晚超爆緊張嘅演出，覺得好對唔住班觀眾！對網民將佢同徐子珊比較，娜姐亦有大方回應，再笑話每晚都想摸阿峯更多part嘅身體部位，唔知邊part嘅觸感最正？下次合作嘅話會挑戰跳「櫈舞」？想知娜姐點答就睇足本訪問啦！
