【Viu】Tyson Yoshi今日出席活動分享面試同求學心得，仲即席測試手握力，唔認輸嘅情況笑爆全場！Tyson直認冇乜操前臂肌，但滿意剛才表現，笑言夠力拎嘢就得啦！講到今日宣佈進軍啟德開騷，Tyson預告會搞搞新意思，但笑言如果想請「老Best」林家謙做嘉賓要問過英皇先，又「踢爆」對方個演唱會都係英皇搞，但自己謝絕加盟家謙公司TLP同英皇，皆因自己太過九唔搭八，轉數超快！
至於同軒公今日凌晨推出合唱歌《By My Side》，Tyson直認可以同「電視機出嚟嘅人」軒公合作好感動，但自覺激動爆喊係有啲「6+1」，好彩夠Friend先唔覺尷尬！對於新歌被「早洩」，Tyson仲親解嬲嬲豬嘅原因添！
不過，是日最爆笑嘅部份莫過於Tyson講返寫咗首新歌畀「吊頸佬」Jeffrey嗰Part，想同小編一齊笑到標眼水？睇足本訪問咪知囉！
