【Viu】性感DJ樂宜早前自爆曾同友人合資經營美容院被騙逾310萬元，案情近日被爆光，藝人蔚雨芯遭廉政公署落案起訴共三項罪名，包括盜竊、欺詐及企圖欺詐。樂宜今日出活動首談事件，直言兩年前已協助提供所有資訊，所以依家單案情就唔係佢主導，不過若然之後需要到佢出庭作供會盡力配合！
日前蔚雨芯出庭應訊受訪暗指有人「別有用心」，樂宜則表示要睇吓邊個先係別有用心，另一邊廂佢承認佢的確係有目的，就係攞返個公道兼攞返啲錢，佢亦指已成功追討返晒啲錢，連同本金共500萬！樂宜又還原追討過程，搵過對方坐低傾不果，之後收到疑似恐嚇電話，所以佢先決定報警求助！問到佢同蔚雨芯仲係咪朋友？樂宜直接表明：「唔係朋友，已經冇咗聯絡，最好以後唔好來往！」
經過今次之後，樂宜話真係上一堂超大嘅課，提醒自己呢一世人唔好再犯同一個錯，以後做生意都唔會一炮過畀咁多錢出嚟！不過佢話完咗件事都會想再搞美容生意，仍然會搵合伙人，雖然有陰影，但會更小心！樂宜又自爆當初肯同蔚雨芯合資搞美容院幕後原因，原來佢係想放棄演藝事業？想知就睇足本訪文片啦！
