【Viu】林家謙 x 洪嘉豪 x 陳健安今晚喺亞博舉行拉闊騷，3位先化身「喃嘸師」合體唱《喃嘸師感官漫遊》打開序幕！現場氣氛high到爆，全場喺頭part已經企晒起身喪揈，跟住落嚟就係林伯加族長嘅小組演出，一次過jam《創作者的派對》x《特倫斯夢遊仙境》，唱唱吓院長拎住兩支螢光棒突入，一秒「感染」林伯、族長一齊「打call」應援，誓估唔到「打call」都有鈣質version，最正係佢哋全部都零偶包，面部表情都勁「毒毒」，真係畀佢哋笑死！
唱《以青春之名》x《夏之風物詩》嗰陣，「林三歲」家謙、「洪三歲」Kaho邊唱邊玩泡泡槍，又互相整蠱玩得勁開心，點知林三歲玩玩吓玩爛咗支槍！而On仔就負責結他部份，solo嗰段超charm！想睇就即刻去實況片啦！
