【Viu】Winka陳泳伽@COLLAR噚日推出今年首支Solo歌《今期不流行》，繼舊年作品《下回分解》後，相隔11個月先再出歌，原來Winka聲帶確診永久受損，所以新歌要押後錄音。雖然聲帶已回復唔到昔日靚聲，但Winka就樂觀面對，「今次特登深夜凌晨先錄音，想帶出脆弱聲線，所以把聲沙沙哋。我接受永遠同適應而家把聲，如果而家瞓少咗、飲少咗水就會有啲聲沙，但覺得新嘅聲線都OK，希望大家會喜歡。」
《今期不流行》仲搵嚟「詞神」Wyman 黃偉文打造，以苦戀為主題，陪大家捱過去，Winka表示：「大家覺得苦戀好痛苦，唔知點樣走出困局，但有時要勉勵吓自己講『今期唔興，唔好再為對方傷太多，要做一個開心、堅強嘅人』。」MV仲特意去到大嶼山嘅長沙泳灘拍攝，想知佢對Winka又有咩意義？入嚟睇片咪知囉！
