【Viu】由「妹豬組」Edan、姜濤、Jeremy、Anson Lo主持嘅小組團綜《呂濤米Lo Seoul》，下星期一就出街喇，四子開心Share拍攝趣事，而出現得最多嘅詞語，竟然係「厭世」，到底發生過甚麼事呢？
向來滴酒不沾嘅Remy，被爆初嚐飲醉酒嘅滋味，令酒量好嘅「登神」終於可以化身大哥哥Carry住米媽。至於「民以食為天」嘅姜濤，最欣賞嘅韓食竟然係「水味」牛骨湯飯，咁特別嘅選擇，當然有段故啦！
節目中除咗有機會同知名韓星見面外，連花姐都粉墨登場，Edan踢爆花姐換上「花仙子」Look後少女心蕩漾；教主仲話其中一Part嘅花姐十足十《格雷的50道陰影》咁猛，大家一定要Loop爆呢個訪問笑餐飽喇！
