【Viu】盧冠廷今日出席記者會，宣佈將於6月尾四度喺紅館開騷，現年74歲嘅盧盧，暗示今次係最後一次紅館騷，事關如果要再隔9年先開紅館，屆時已經83歲，實在太冇陰功喇！講到修哥之前以9字頭高齡開紅館，盧盧就大爆修哥秘密，聽到太太唐書琛（Susan）鼓勵時又嘆晒氣，完美展現「搵食艱難」呢四個字呀！
席間Susan踢爆盧盧收到演唱會新歌《陪著我走》歌詞時喊出聲；盧盧則反笑太太唱歌似幼稚園學生，謝絕請佢做嘉賓，但又笑言平時要「出招」，太太先可以輕輕修改歌詞，Sweet到呢！
講到盧盧喺《CHILL CLUB推介榜 年度推介24/25》得到「終身成就獎」，佢坦言係莫大嘅肯定，終於可以向天上嘅外父外母交代，自己靠做音樂養得起老婆！創作無數好歌嘅盧盧，又大談何謂「頂流」，仲爆埋自己睇開邊個電視台，想知就睇足本訪問啦！
