【Viu1】Ivy So@COLLAR今早喺西沙出席跑步活動，佢話本來以為今日要跑，仲諗住訓練吓，點知原來唔駛跑！其實佢平時都算一名健康寶寶，一星期做三日運動，不過只要安排咗做運動嗰日，就俾自己食多啲嘢，所以想食野就要做多啲運動！佢透露月尾又會為新團歌拍MV，所以家陣放假放肆一兩日就又要keep返fit啦！
講到睇咗Coldplay演唱會頭場，當時未知Marf會表演啲咩，睇到時就覺得好震撼，自己無喊但知道Winka同Gao都有喊，見到Winka好感動，大家好落力全程幫Marf應援，覺得Marf好叻，面對五萬人表演係超級難嘅事，自己喺觀眾席都覺得緊張，所以特別覺得Marf係天生表演者，壓到台又記到咁多首歌，見到comments大家都睇得好開心，希望大家畀多啲機會Marf同COLLAR！Ivy仲話聽到Marf介紹自己來自Collar係覺得感動嘅！
講到最近網上瘋傳張家輝訓示瘋狂fans條片，Ivy話「蘇蝦」們都好錫自己，都明白未必滿足到fans每個要求，「蘇蝦」好理性，知道忙都唔會騷擾佢咁話，快啲睇足本訪問啦！
