【Viu】舞台劇《你好，打劫！》載譽重演！呢次搵嚟朱栢謙擔任導演，然後佢再搵埋細佬朱栢康埋班，兩兄弟兼兩大劇帝首度喺舞台劇界合作，到底會擦出啲咩花火？朱康自爆之所以對戲劇有興趣，全因為一男子，究竟係邊個？佢仲話細個嗰陣係視哥哥做hero添，當中有咩故事聽？
有一種兄弟情叫朱謙朱康，極度懷疑佢哋上世就係夫妻關係，咁唔知如果畀朱謙揀，細佬同老婆同時跌落水，佢會救邊個先？唔准諗，即刻答！考驗兄弟情嘅點止得一條問題，今次仲準備咗個輪盤遊戲畀佢哋，轉中「電擊」嘅話⋯ 就係你唔好彩啦！
另外，除咗舞台劇之外，呢對friend過打band嘅兩兄弟，私下都真係同死黨阿卵同白只組咗隊band叫「朱凌凌」，咁啱今年就係朱凌凌成軍20周年，佢哋又有啲咩表示先？成日都話搞緊新歌，咁幾時先可以畀fans聽呀？即刻交個時間畀朱謙朱康親口話畀大家聽！
