【Viu】近年轉戰國際市場、進軍荷里活嘅陳法拉，受一女子邀請一口答應加入由影帝張家輝自編自導自演嘅《贖夢》Family！呢次更係法拉同家輝嘅首次合作，一嚟就做「兩公婆」，唔知法拉對「老公」兼張導嘅第一印象係點樣？
戲中飾演一名癲婆嘅法拉，因為一場周街喪跑戲被網民封為「陳法癲」，究竟佢有幾喪？對要演呢個咁癲喪、破格嘅角色，佢有冇啲咩心理關口要衝破？
法拉預告今次唔止可以同家輝鬥戲，仲有機會再同男神劉俊謙交手，原來二人之前已經喺舞台劇上合作過，二度合作最大分別係咩？而新戲個theme係關於夢境，唔知法拉又曾經發過啲咩惡夢？係咪好得人驚㗎？
另外，法拉早排都有嘗試參與幕後工作，自編自演短片《人來人往》仲攞過獎添！未知佢有冇興趣執導電影？法拉又爆4歲大囡小米妮都好鍾意玩角色扮演，遲吓有機會母女檔一齊演出？想知就去片啦！
