【Viu】Stephy鄧麗欣完成三場紅館個唱，騷後閃住直入後台，開心share完成處女紅館騷嘅心情！女神謙稱唔敢自評分數，但對自己呢半年付出嘅努力係畀超過100分，特別係跳舞嗰part！
講講吓原來跳辣舞呢part係佢自己舉手話要加，想將「成長印記」用健康性感嚟show畀大家睇！爆料爆開有條路嘅Stephy，再自爆每晚完騷都會J返自己當晚表演，笑問男朋友睇到有咩評價？點知佢神回一句，令全場起哄！Stephy冧豬樣話男朋友嚟足3晚，事後都好專業咁畀comment，包括跳sexy嗰part？做咩唔捉埋男朋友上台合唱先？
講到尾場Cookies合體，Stephy話都係佢嘅idea，好感觸咁話湊齊全部人上台都真係好唔容易，始終大家依家嘅方向都不一、生活地方又唔同，所以雖然唔齊人，少咗Theresa、Serena，但佢明白冇得強求！
另外，Stephy亦有談及三晚嘅男神嘉賓，當中佢笑話邀請「細佬」Jeffrey都真係考慮咗好耐，點解嘅？埋身幫MC張天賦打呔係專登挑逗佢？之後堅係會同林峯有真·合作嘅機會？呢個騷會唔會有Part 2？想知就click入足本訪問聽吓Stephy點講啦！
