【Viu】韓國「不老男神」張東健同湯唯同獲《第18屆亞洲電影大獎頒獎典禮》頒發「卓越亞洲電影人大獎」，兩位坦言喺香港攞獎份外有意義，除咗分享得獎感受同工作大計外，張東健仲話想同湯唯合作拍電影，而「韓國新抱」湯唯當然Say Yes，仲話二人多年前喺活動上見過面，希望有機會喺電影「再續前緣」！
至於獲頒「亞洲飛躍演員獎」嘅木村光希，坦言上台時心肝仔卜卜跳，仲預告將會有新Project喺香港進行，期待喎！光希坦言擁有「巨星父母」木村拓哉同工藤靜香當然有壓力，但同時感謝父母滿滿嘅愛同建議。
此外，憑《青春末世物語》奪「最佳新演唱」嘅栗原颯人，被問到最想同邊位香港明星合作，佢竟然話最想見李小龍，嚇窒全場，知道口誤後都尷尬面紅呀！
